*~. يابـوي جعلـك للبقـا والمكاسـيـب .~*

بسم الله الرحمن الرحيم

السلام عليكم ورحمة الله وبركاته


هذي قصيده أعجبتني واتمنى انها تنال بعد إعجابكم ..


يابـوي جعلـك للبقـا والمكاسـيـب .!.!. عمري بدونك يالذّرا ويش أبـي بـه

يابوي تسأل عـن شفـاك المراقيـب .!.!. طلعـة سواتـك للنّوايـف غريـبـه

ليه المرض مايعرف الزّين والعيـب؟؟.!.!. مايـدري انـك للمخاليـق هيـبـه !!

أبسألك وش به غزا وجهـك الشيـب .!.!. والقلـب لايـع والنواظـر شحيـبـه

وش بك تحاتي لانوى الموت تغريـب .!.!. تخشـى علينـا بالليّـالـي الكئيـبـه

خذ دلّتك واركى على مسنـد الجيـب .!.!. وعطني شماغك بلثمه وأحتمـي بـه

ونروّح لأرض ٍ بها العشب والطيـب .!.!. وتسمـع كـلام ٍ يالغـلا تحتفـي بـه

يابـوي بنتـك لاانحكـى بالتّجاريـب .!.!. كـل ٍ يشـق لهيبـه الصّيـت جيبـه

يابوي ماني مـن سـوات المخاريـب .!.!. اللّـي تجيـب لعليَـة القـوم خيـبـه

وماني من اللّي لامشت حفّها الرّيـب .!.!. أنـا مـن اللّـي مايدنّـس حليـبـه

مرفوع شاني عـن غـرام المكاتيـب .!.!. وأكبر من انّنـي أرتضـي بالحبيبـه

أنـا غرامـي لاابتـدوا بالتّراحـيـب .!.!. نفوس الأوادم فـي وجـودي رحيبـه

وان كان زينـي فتنـة ٍ للمصاويـب .!.!. أحـط وجهـي بالحريـق ولهيـبـه

زيني أبيعه وأشتري سمعـه الطّيـب .!.!. اسم ٍ ينومس بالصّـروح الـذ ّهيبـه

وان كان عندي ( بالحلا) شي ٍ اصعيب .!.!. عنـدي جـدود ٍ مارضـت بالغليبـه

دموع القبايـل فـي لقانـا مساكيـب .!.!. كـن المقابـر لاحضـرنـا قريـبـه

خضّبت لك كفّي من العـز تخضيـب .!.!. ورفعـت راسـي للنّجـوم الصّعيبـه

والله لأسـدّك بالفعـول المصالـيـب .!.!. والله لأشيلـك بالرخـا والمصيـبـه

طلع المعالـي ماانحكـم للشّواريـب .!.!. بنت ٍ وأناطـح فـارس القـوم طيبـه

وياشيخي إبشـر لوتـدور الدّواليـب .!.!. بنتك إلا منّه عـوى الذّيـب ( ذيبـه)

تقبلو..
تحياتي..

اختي الغاليه

][][§¤°^°¤§][][كلي شمووووخ][][§¤°^°¤§][][

لروعة كلماتك نهج خاص يتميز عن غيره قرأت كلماتك فأعجبتني

فخرجت من روحي هذه الخلجات فتقبليها مني وسجلي أعجابي لما طرحتيه لنا

فسلمت يمناكِ

كل الشكر والتقدير لك مع فائق احترامي وتقديري

اختك



*وهج الروح*

.*. يسلموو خيتوو وهوجه ع المرور والله لايحرمني منك .*.

زيني أبيعه وأشتري سمعـه الطّيـب .!.!. اسم ٍ ينومس بالصّـروح الـذ ّهيبـه

وان كان عندي ( بالحلا) شي ٍ اصعيب .!.!. عنـدي جـدود ٍ مارضـت بالغليبـه

عــــــــــيـــــــــنــــــــي عليك باااااااارده كلي شمووووخ عزالله عرفتي تختارين ياذوووق

لك خااالص تقدير على ذوووقك الراااقي ياعسل

.*. العابر .*.

.*. الراقي تواجد بصمتك بـ صفحاتي وعساك ع القوه اخوي ولاهنت .*.

[align=center]

أنـا غرامـي لاابتـدوا بالتّراحـيـب .!.!. نفوس الأوادم فـي وجـودي رحيبـه

وان كان زينـي فتنـة ٍ للمصاويـب .!.!. أحـط وجهـي بالحريـق ولهيـبـه



۩آشموخه ,صح لسااان قائله,۩



سلمت يمناك على الأبياااات الجميله



تقبلي مروري

الكاتلوني[/align]

[align=center]شمووخه ؛؛

يسلمووو ع النقل ؛؛

قصيده روووعه وتدل على ذوقك الرائع ؛؛

تحياتي ؛؛

حلآوهـ ؛؛[/align]