مآني اول من يحب .. ومنت آخر شخص خآن...

[align=center]ما تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه



...,,,,,,,,,,,,,,,,,,,,,...

كلماااات اعجبتني فاحببت ان تشاااركوني بها ....


تحياااااااتي..


غروووووووووووووووووووووور .. [/align]

[align=center]اول شي:
الله يعطيك الف عافيه ياقلبي على الشعر الرووووووووعه اللي مثلج
صح حلو الحب بس وش فايده الحب وهو كله عذاب واحزاان

واحلا مقطع عجبني

والسؤال اللي كتمته ومانطق فيه اللســــان ..
كيف ايديك اطعنتنــــي .. وانا احسبها أمينه ..

جرحي مايرضيه قلبك .. لو يجي كله حنــان ..
لو تبوس الجرح فيني .. ولو تقبلها ايديــــنه ..

يوم أحبك قلت كلمه (( يكرم المرء أو يهان )) ..
وانت قلبي ماأكرمته .. وماقدرت انك تهينـــه ..

وتسلمين ياقلبي

تقبلي مرور اختك:

قهوووره[/align]

[align=center]قهرت الخاين ..

يعافيك ربي ويسلمك يالغلا...

لا خلا ولا عدم من مرووورك..


تحيااااااااتي..[/align]