السلام عليكم ورحمة الله وبركاته
شلونكم حبيباتي وشخباركم
الخلطه الى عندي اكتسبتها عن طريق خبره ولانى احب اعتنى بشعري فاحط كل شي بالمطبخ دسم عليه مثل
المايونيز
او الزبادي
او السدر
او الحنه
او
او
او طبعا اغراض المطبخ ما تخلص الى يشوفنى يحسب اني قاعده اسوي عشى او غداء
<<<<<<<<< مايدرون انه عشى وغداء لشعري
كاني طولت عليكم بالهذره
المهم خلطتى طبعا مجربه وانا قبل لا استعملها كان شعري الى رقبتى يعنى مو طويل
بس الحين شعري الى نص ظهرى ومشاءالله مشاءالله <<<<<<<< اخاف من العين حتى اني ماافتحه في المناسبات
وكثير ومشاءالله عليه لمعته حلوه وكله من الخلطه حقتي
يعنى لا تقولون لى انها ما تطول الشعر وانا شعري من الصعب انه يطول بهالسرعه على الاقل كان يبيله سنتين عشان يوصل لهطول
والخلطه اخيرا:
اول شي تاخذين موزه خايسه او مستويه وتحطينها بالمايكرويف عشان تليين اكثر او انج تحمينها على النار مع اشويت زيت زيتون
بعدين تهرسينها بالشوكه زين
+ 1 بيضه + نص علبة زبادي + ليمونه + ملعقه كبيره مايونيز + والاهم ملعقه كبيره قهوه تركيه مطحونه + ملعقه عسل كبيره + نص فنجان زيت عافية او اقل
وهذى مقادير الخلطه وانشاءالله تجربونهااا وتدعون لى بالتوفيق اهم شي انكم تدعون لى
وطبعا انا احطها كل اسبوع على شعري وطبعاا الموز صعب شوي انه يطلع من شعرج
بس انا عندي صار عادي لاني وانا اسبح قبل لا اغسله بالشامبو
اخذ مشط معي الحمام وانتو بكرامه وامشط شعري مع الماي عشان يطلع الموز ويطلع بكل سهوله يعنى ما تطوليين معاااه