قصيدة لحامد زيد

هذه من روائع القصائد الشعرية للشاعر العظيم حامد زيد

قصيدة جميلة و حتى لو اني بكتبها الحين مع ذلك ما بوفي الالقاء اللي

يلقيه حامد زيد .. انصحكم دوروا على هذي القصيدة و اسمعو لها و اذا

ما بكيتوا او تأثرتوا .. اعرفوا ان ما عندكو قلوب


السبع العجايب

اسمعي و الكل منا له هواه و له ميوله
لا تمسين بكلامك شعرة بروس القرايب

ان حكيتي ما وفيتي وان تحديتي عجوله
تحسبين ان كل فعل تفعله يمناك صايب

تحسبيت انك اخذتي بالحشا صولة و جوله
تحسبين اني ذكرتك مع نسانيس الهبايب

و الله انك لو ذبحتي خافقي لألقاك حوله
عاشقه تشقى بقلب من طريق العشق هايب

كم رضيت اسكت عليك من القهر و انتي زعوله
خايف اضحك و استفزك و اهجرك و اعيش ذايب

ادعيت انك خجولة .. وادري ان منتي خجولة
و ادري انك تخجلين الشمس من فوق السحايب

ما يحببني بقلبك يا الهنوف الا فضوله
و ما ينسيني غرامك غير تكرار المصايب

عاشقه جيتي و رحتي يا الحبيبه يا العذوله
ما بنيتي لي طموح و لا تركتيها خرايب

تستبيحين القلوب و تستحقين البطوله
و استحق اعيش بعدك تايب و اموت تايب

يا كثر ما شال قلبي شي اكثر من حموله
و لا عفيتي عن غلاه و لا بخلك بالوهايب

كنه ارحم من همال المزن للزهر بذبوله
وانتي اقسى من سموم القيظ و كفوف اللهايب

و انتي ادرى في غلاك بداخلي شلي يزوله
وادخلي دخلة على الله و احفظي ذيك السبايب

ما خبرت اللحظة اللي حللت قربك تحوله
ولا هقيت اني بشدد للجفا قلب و ركايب

و ما هقيت انك تحبين الزلل و انتي جفوله
و ماهقيتك تكرهيني كثر حبك للطلايب

كن قلبي في وصالك وابل لحظة نزوله
و فب فراقك مثل دمعة تنحدر من عين شايب

كنتاابي وقفة حبيبه تنهض القلب بخموله
طامح بالعشق وانتي عايبه و الحظ عايب

كنت غصن كل كف غير كفك ما يزوله
كنت درب و دمعتين و قلب و جروح عطايب

كنت ابيع العمر كله و ارخصه عرضه و طوله
للعيون اللي هدبها ثامن السبع العجايب

بس ابرضيلك غرورك و اكسر القلب بذهوله
وقتها ما كنت افكر صايب او كنت خايب

و الرجل لو ما تحلى بالشهامه و الرجوله
صدقيني صعب يقدر يملك قلوب الحبايب

صدقيني ما يوالف خافق البنت بسهوله
بالهوى يا بنت حوا غير طلاب النشايب

و السهر و العشق الأول و الهوى و اللي يموله
شي اقسى من همومك و العنه حاضر و غايب

و الهموم اللي دعتني من بعد سن الطفوله
كلها من تحت راس العشق ملعون الصلايب


اتمنى من الجميع اخيرا ان يرجع للقصيدة المسموعة

[align=center][glow1=00FF66]رائعــة .... تعجبنى قصايد هذا الشاب ... يستخدم التحدى فى كلماته ...

دمت بخير[/glow1][/align]

[all1=333333]روووووووووعة وكل قصايد حامد زيد جناااااان

وكلماتة دائما ماتكون سلسة وكلها حكم

يسلموووووووا اخوي ابو نوف على كتابتك من اروع قصائد حامد زيد

الله يعطيك العافية ...

تحياتي
ملك روما[/all1]

الله الله صح لساان حامد زيد

قصاائده كلها ولا أروووع


وسلملم

رووووووووووووووووعة بصراحة ابو نوف ما ادري ايش اقولك
بس احب اقولك انا من المتيمين باشعار حامد زيد واكبر دليل انه يوم زواج اخوي الكبير
واحد اهداني شريط لحامد زيد
وشكرا مرة اخرى
مع تحيات:
الجداوي الفلاوي

إنّ الكلمات لتقف عاجزة ، والعبارات تائهة ، بل والأفكار قاصرة حينما نريد أن نقدم شكرنا لك

فما هذا إلا عطاءٌ قليل ومحاولة بسيطة لشكر جهدك وأوقاتك التي بذلتها وقدّمت فيها الكثير والكثير

* * *