ديوان الامير بدر بن عبدالمحسن

( المحـــبه أرض )


المحبـة أرض والفرقـا أراضــي
والزمن كله تـرى لاغبـت ماضـي
والله إنـي مـا أشـوف إلا عيونـك
إن رحلت اليوم أو طـوّل مراضـي
قالـوا العـذّال والعـذّال مـرضـى
وش بلا حالك من الاشـواق قاضـي
قلت يهجرني حبيبـي ليـن يرضـى
علّموا الظالم ترى المظلـوم راضـي
جرّحوني في هواك وقلـت أبشكـي
ماهو من جرحي ولكن لإعتراضـي
وش علي لو قطّعوا لاجلك عروقـي
من رضى بالحب .. يرضيه التغاضي


[rams]http://www.movn.net/bdr_bn_3abdalm7sn/alm7bah_arth.ram[/rams]

( ألا الهـــــــــوى )

ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...



[rams]http://www.eqla3.com/sh3r/voice/aba3tither.ram[/rams]

( قــــصة حــــب )

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت ..

[rams]http://www.movn.net/bdr_bn_3abdalm7sn/q9at_7ob.ram[/rams]

( الــــعمر أحـــبك )


لليل احبك مابقى فـي السمـا نـور
والى ضواني الليل .. للصبح أحبـك
واللحظة اللي كلهـا عنـد وغـرور
أشوف قبري بين عينـك .. وقلبـك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابـه غيـر لوعاتـي قصـور
وخوفـي عليـك الله ربـي وربـك
ما بي جهد ابني على صمتك جسور
لا حيرتني أسباب سلمـك وحربـك
العمر أحبك .. مابقى فينـي شعـور
والى جفاني العمر .. وشلون أحبـك


[rams]http://www.eqla3.com/sh3r/voice/lellail_a7bbek.ram[/rams]

( الفــــجــر البعـــيد )

نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك

يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت

وإن زاد ظلمك ما عدلت

آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك

[rams]http://www.movn.net/bdr_bn_3abdalm7sn/namt_3yonk.ram[/rams]

( كـــــــــفاك غــــرور )

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور


[rams]http://www.eqla3.com/sh3r/voice/kfaky_ghroor.ram[/rams]

( رســــــــاله )




إلى من .. يهمها أمرى .. إلى من ..
رجاءً .. إلى متى صبري .. رجـاءً
أنا لن .. اشتكي .. همي لغيـرك ..
ياروحي .. اشتكي روحي على من ..
رسالـه .. حبـرهـا .. دمــي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابـل ..
سألت الناس عن وجهـك حبيبـي ..
عن الشمس .. ومتى تشـرق مسـاءً
أحبـك .. يالصـحـاري الـلـي ..
فـهجيرك .. احترق كلـي .. وفـاءً
كتبت لواحـة عيونـك رسايـل ...
بسراب الدمع ... وانفاس القوايـل ..
كتبت وذي تـرى .. اخـر رسالـة
أحبك .. وان نسيتينـي .. وداعـاً ..


[rams]http://www.eqla3.com/sh3r/voice/resalah_ela_man_yhommha.ram[/rams]