ياللي زعلت

ياللي زعلت إزعل ولاني مراضـيك ..... أشرب كدر ماي البحر كانه أرضـاك

لا تحسب أني عقب صدك بداريـك ..... بأعز نفسي عنك مـدراك مــدراك

أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

وخليتني واليــوم والله لأخـليـك ..... وأدوس قـلبي لينـه يقـول خـلاك

قبـل توريني الحسـاير بأوريــك ..... ليمن يقـال فـلان هانـك و ورآك

كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

مـاني بقايـل لك عسى الله يهنيـك ..... الله يحـرمك كـل مـا كان هنّــاك

عـسى العمـى ياخين العهد يعميـك ..... فوق الغرور اللي عن الماضي أعماك

وعسـاك ما تسمـع قريب يناديـك ..... حيثك تجاهل صوت محـروم نـاداك

وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

وعسى حياتك بس فرحـة لشـانيك ..... يلقى بها الفـرصـة عدوك ويشناك

وعسى الليـالي اللي تجيني بطاريك ..... يصبح عليها الصبح ويموت طريـاك

وعسى المنـام وكل راحة تجافيـك ..... آمين حتى اللي تمنــاه يجفـــاك

وعساك ما تفـرح وتكثر بـلاويـك ..... وأمك تشـق الجيب من عظم بلـواك

وإلى مت جعلك في جهنم تصـاليـك ..... نار الجحيم ونار دنياك تصـــلاك

الله يكـره فـيك حـتى دوانيــك ..... غشـاش خـاين من من الناس داناك

هذه النهايـة روح والله يجازيــك ..... أمسـك ويومـك عنهم الغد يجـزاك
منقول عن الشاعر : طلال السعيد

ههههههههههههه
وش هالزعل هذا كله يا مسحبهم(طالع من قلب)
الله لا يجيب الزعل انشالله قل آمين
آميـــــــــــــــــــــــــــــــــــــــــــــــ ـــــــن


وصح لسانك على الأبيات الرائعه,,

صح لسانك خوي مسحبهم على هالقصيده الحلوه


تحياتي
بحـ الشووووق ــر

[ALIGN=CENTER][TABLE=width:70%;background-color:transparent;background-image:url(backgrounds/10.gif);][CELL=filter:;][ALIGN=center]اهلا و سهلا بك اخي مسحبهم

أردت أن اصفك بقصيده حروفها من ذهب

وفواصلها من فضه فعصتني جميع حروف اللغه

خوفاً منها بأنها لن تستطيع ان توصل لمستوى رقي حرفك

الغالي مسحبهم إعذرني على تقصيري ولكن أبت أناملي أن تمر

على صفحاتك دون ان تدون لك ولو كلمة


راااااااااااائع

تقبل تحياتي

اخوك

سيف العز[/ALIGN][/CELL][/TABLE][/ALIGN]

يامرحباً بكم جميعاً
وشكراً على هذي الطلة الجميلة الله لايحرمني منها

بسم الله الرحمن الرحيم



صح لسانك خوي مسحبهم على هالقصيده






تقبل تحياتي

اخوك

nseem al lail

وربي ابيات تستاهل


خاصه البيت الي يقول


قبـل توريني الحسـاير بأوريــك ..... ليمن يقـال فـلان هانـك و ورآك

تسلم يمينك اخوي



بايو