مســـاء الخيـــــــــــــــرررر والأحساس والطيبــه
هاااااي تماااااااسيح & سحاااالي <<< ســلااااماااات .. قاااطه الفيس
قصدي صبــايااا & شبااااااااااااااااب
شخباركم ؟؟ شمسوين ؟ عساكم كلكم بخير
الــيوووم راااح أقولكم ســالووفــه عجيبــــه
وقبل مااقولها جيبوا معكم فووشار وو اي مشروووب غازي
ونتركم الأن مع أبطال القصـه
so spoiled :
بنوته دلووعه .. بارده فيها تبلد في الأحساس .. تسوي روحها دفشه
وتنسم كفراتها آخر الليل ومفهيه لآخر درجه.. الملقبه بـ ( سوسو ) ..
لمحة غرور :
الملقبه بـ ( شقحا - وضحى - كفخه - لحمه ) والألقاب كثيره لو نحصيها
في دفتر بو 200 ورقه ماكفى..
زاحفه .. تمشي بالمثل القائل ( أزحف تنحف ) .. هوايتها : الهجوله
( اراجوز الفصل ) .. المعلمات يحبوونها بالقووووووووووووووووووووووة
وبيني وبينكم ( العكس صحيح ) .. مغامراتها جريئه .. بنت عن 10 رجال
غــرور طــفــلـه :
محسوبتكم اللي كاتبه القصه .. اكبر خوافه .. دخلت موسوعة جينيس
للأرقام القياسيه في الدلع والخكاره والـ ( واي واي ) ..
أفكاري خطيره توديهم في 6582189 الف داهيه << مايمديكم على الرقم .. للبيع
هوايتها : النحت على الرمال الصحراويه .. <<< خطيــرة مايمديكم عليها
مزاجيه بقوة .. ومتقلبه .. ورومنصيه بقووة ( مايمديكم ) .. وعصبيه لآخر درجه<<لاتخافون هع
لما اثقل أصير خطيره ويعجبون فيني الناس وبأسلوبي .. ومااقوم الا والتواقيع لاحقتني
والتصفيق والتسطير .. هع <<< مو سهله البنت
نــرررررجع لمحور حديثنا عن قصتنا مع الهيئــه
المكان : ماكدونالدز ( مطعم لمحة المفضل من خشونة اظفارها )
الزمـان : آخر يوم بالأمتحانات النهائيه ..
بسم الله الرحمن الرحيم .. السلام خير كلام .. وخير الكلام ماقل ودل <<شكلي جبت العيد
في آخر يوم من ايام الأمتحانات النهائيه بعد ماطلعنا من القاعه .. قالت لمحه بصرخه مدويه : بنااات
انا جووووعانه .. قام اللاب توب حقي ينزل معلومات واخر شي طلعت : يااابناااات مالكم الا ماكدونالدز
.. فاصل إعلاني .. ( اللاب توب = عقلي .. ماركته توشيبا .. هع )
صفر جرس المدرسه إيذان بخروج الطالبات الى الحريه .. وفي ذلك اليوم كانوا البنات يتهاشون
من تطلع من الباب اول وحده .. وام الزززحمه .. وانا ولمحه ماسكين ايد بعض ونقول ( لبيك اللهم لبيك )
وربي من الزحمه تحس انك بالحج استغفر الله ..
وفي هذه اللحظه الحاسمه << ( مايمديكم على اللغه ) .. شهدت المدرسه الحرب العالميه
الثالثه امام باب المدرسه .. والأطراف المتسببه لهذه الحرب هي كالتالي :
لمحه مع شنطتها .. مابقى بنت ماكفختها على راسها .. ومابقى بنت ماطيحتها من الدرج
والطرف الثاني .. غرور طفله .. اللي هي انا .. مع خكارتي : مو عاجبني شي .
ارف ارف .. استغفر الله ريحه وزحمه وارف ارف .. ياااربييييييييه
المهم .. اكيد تتسائلون وين سوسو عننا .. سقطت سهوا بالقصه .. لالا امزح
سوسو الله يسلمكم ويسمنكم اتفقنا معها في موقع الجريمه .. ودقينا على سمارى ..
.. فاصل إعلاني .. (سمارى : شركة تفريج الكرب عن المنكوبين من بنات شعب بلادي )
طبعا .. راح تتسائلون كيف اتصلنا .. جلسنا نتميلح عند سواق الباص عشان نكلم من جواله .
وبعد تميلح دام لمدة ربع ساعه مليان بالذل والأهانه عطانا اياه .. وياليته عام .. سوا
وفيه 4 ريالات بس ياحظي .. مالت
المهم .. جات السياره وركبنا ووصلنا عند المطعم ووقفنا جنب سياره مشبوه فيها .. فيها
بنت جالسه تطالع فينا وحنا نطالع فيها .. وبدت حرب العيون والخز والقز .. شوي لمحه
طلعت من طورها وشمرت عن العبايه وقالت : ذابحتها ذابحتها انا اليوم ..الله لايعوقني بشر
قلت لها : يابنت اهجدي تكفين مانبي مشاكل.. المهم مامداني أكمل كلمتي إلا أشوف البنت
طامره عنده دريشة السياره اللي جنبنا .. طبعا نزلت انا الا تطلع البنت سوسو ..
المهم جلسنا عندها بالسياره وخذتنا السوالف لما يفتح المطعم .. لأن حنا رايحين بدري
ومابعد يفتح .. الا سوسو تقول : بنااااااااااااااات .. في شرطي ورانا معه واحد بو لحيه ( تقصد مطوع )
المهم حنا طنشنا ودقينا لهم تحيه ع الطاير ..بغينا نقول السلام الوطني (ساارعي للمجد والعليا ..)
بس استحينا لأن صوت المرأه عوره .. احم احم << يعرفون يستحون بعد
وذاك اليوم كان في شلة ورعنجيين (يعني بزران ) توهم طالعين من الأمتحان .. والدليل القاطع
القلم المعلق في جيوبهم .. <<< شعندها زرقاء اليمامه
المهم ماعلينا .. واحد منهم معه كوبي من مفتاح المطعم .. وفتحه .. ليه ؟ مدري ؟
الا وينط واحد من اخوياه اقصر واحد فيهم .. يقول : تعالوا بنات ادخلوا .. الا اقوله : خير
المطعم بيت ابوك اللي جابك .. سلالاااامــاااات ..
ولمحه وسوسو : ماصدقوا على الله ونزلوا .. الا يقول صاحب المفتاح : لالا تكفون لا تدخلون
تسببون لي مشكله مع الشرطه زي ذيك المره .. واقصر واحد فيهم يقول : لالا دخلووا عادي ماعليكم
على مسؤوليتي .. << يبي يسوي فيها شنبات الأخ
قلت : دخلوا فيك جن قل أمين .. دام فيها شرطه .. لايبى ماحنا داخلين ... مانبي نورط خويك
ولمحه وسوسو هالمطافيق ماصدقوا خبر ودخلوا .. وانا واقفه انتظر الشوته المحترمه اللي بيذوقونها
وفعلا .. كلها ثواني الا هم مناشتين ووراهم العامل .. وانا اخقها من الضحك عليهم ..
دوروا فيساتكم ..( يعني لقطوا خششكم .. هع هع )
المهم وشوي الا سوسو تقول : بنات .. ترا الشرطي اللي من شوي تبع الهيئه ..
شوفوا الجمس .. قلنا : يابنت اركدي ماهو جمس الهيئه .. وتقول الا انا متأكده اعرفه << ليه سوابق
وفعلا قام رجع ورا وحنا حاطين ايدنا على قلوبنا تقول من سيربح جوله مع الهيئه ..
وترجع السياره ونشوف الشعار حق الهيئه .. وبما ان محسوبتكم غرور اكبر خوافه .. طاح قلبها
بالأرض .. وتجيها حاله من الصرع المؤقت .. وتقوول ودووني البيت .. ابي امي ابي ابوي ابي زوجي << سلاااامااات
ويهدوني لمحه وسوسو يابنت اركدي .. ماراح يجوونا .. كلها ثواني .. الا هم سافطين ورانا عشان مانطلع
وثواني وجاو خوياتنا بسياره ثانيه سوو لنا شبهه .. صرنا 8 بنات .. << جيش
وكملت .. وكانت ووحده مننا غطاها خفيف الا يجي بجنبنا ويقول : يابنت ثقلي الغطا احسن لك
انا قلت لااااااا راحت علينا .. بنتغدى اليوم مع الهيئه ..
وقلت للبنات : بنات اركبو سيارتكم والحقونا .. ووين طيب .. ماعليكم الحقونا بس وانتوا ساكتين
وركبنا وقلت للسواق حررررك .. ومامدانا حركنا الا والجمس ورانا .. ولفينا لفتين على نفس المكان
وهم برضوا ورانا .. يالله سترك بس .. قلت ودوني بيتنا ولا والله بطب من السياره الحين ..
وسوسو بكل برود تقول : خلاص بنروح برجر كنج او ستار بوكس .. << ماقلت لكم بارده
واقوم عليها بغيت اذبحها : اقول انقلعي انتي وخشتك بس .. تبين تروحين روحي بروحك مع الهيئه
اما انا غسلوا يدكم مني .. ومسكينه لمحه نشبت بيننا .. تهديني ولا تكفخ سوسو ..
المهم بعد فتره .. راحو الهيئه واطلقوا سراحنا .. وراحو عنا .. ولله الحمد وهدينا
وبعدها رجعنا ماكدونالدز وكان قد فتح ودخلنا .. وقعدنا 8 بنات بطاوله .. ماكفتنا تضايقوا..
تقريبا درنا على المطعم 20 مره عشان ندور مكان يصلح لهم ..
وجينا للطلب ..
هنا تهاوشت لمحه مع العامل .. ونترككم مع المحادثه
لمحه : اكسكيوووزمي
العامل : يص
لمحه : آآي آآي آآي آآي ونت تو طلب
العامل : وات ؟
لمحه : آآي ونت تو لنش هير << ابي اتغدى هنيا
العامل : يص وات دو يو وانت ؟
لمحه : آآي آآي ونت همرجرات تشكن
العامل : وات ؟؟ اي دونت اندر ستاند وات يو ار سي ؟
لمحه : ون منت ابليس << ابليس يركب راس العدو
لمحه : غروووووووووووووور .. هيلب مي بلييييييييييز
غرور : مو فاضيه .. دبري عمرك ..<< محسوبتكم حاطه ثلاث كراسي ومنسدحه عليهم
لمحه : حسبي الله على ابيلسكم .. خويات على الطل ..
العامل : يص
وتجي ( ام عبد الله مرعبة خلق الله .. الزعيمه .. بس تراها عانسه .. اقصد انسه .. للحين ماتزوجت) وتقول انا للفزعات .. ابشري يا لمحه
ام عبد الله : اكسكيوززززموااه ..<<مسويه فيها فرنصي
العامل : يص
ام عبد الله : اي ونت .. ممممم .. ون منت اي ثينك ...!!!
لمحه : يص وي ونت ممممممم !!
العامل : اووووف .. انت ايش يبغى الحين .. يلا انا في زبون كتير هنا
ونصاب مافيه احد هنا غيرنا حنا .. يمكن كان زحمه بالأفراد
ام عبدالله : اخخصص والله يعرف يتكلم عربي
لمحه : ياخي كان من زمان قلت لنا انك ترطن عربي
ويطلبوووون والعامل حددده مطرطع منهم
ويجي الطلب .. وضحك .. ووناسه ..
وشوي الا وينطون الورعنجيين ويطلون علينا وحنا بدون غطا
وتقوم لهم لمحه بـ ( الزبيريه ) الله يكرمكم وهم اللي يحطون رجولهم وينحاشون
قالوا حشى ذي عن 10 رجال ..<< اقول بخاطري .. الهيئه ماخلاهم يشكون فينا
الا هالزبيريات اللي لابسينها الله يفشلكم .. كلهم لابسين ماعدا انا وسوسو ..كلنا
دلع مانقدر نلبس شي فيه خشوونه .. احم احم ..
وجلسنا وتغدينا وعينا من الله خير .. وسوالف وضحك وتكركر .. وشوي الا انط انا واقول
بناااااات اكلتوا ؟ قالوا : ايه .. شبعتووووووا ؟ قالوا ايه .. وسعتوا صدركم ؟ قالوا ايه ..
قلت اجل ترا الحساب على لمحه .. هع هع ..
في هاللحظة وش سوت لمحه ؟ وشو كانت ردة فعلها ؟ كفختني ؟ ولا سووت فيها حاتم الطائي ؟
وياترى طلعوا ولا ظلوا جالسين ؟ ويوم رجعوا البيت قالوا لأهلهم ولا وشو صار ؟
كل هذا ترقبوه في الجزء الثاني من مسلسلكم المكسيكي ( يوم مع الهيئه في ماكدونالدز ) ..
(( ترا الموضوع مكتوووب بأصابعي الذهبيه وترا تكسرت اناملي .. لاتحسبوونه منقول ..
وحقوق الطبع محفوووووزة لمن يحاول السرق .. ومن يحاول سوف يتعرف للمسائله والأعدام..هع هع))
تحــياتي
غــــرور طــفــــلـــه
الإهداءات
02-21-2006, 04:42 PM
؛×_< لمحه - غرور - سوسو مع الهيئه >_×؛ 
مشاركة: ؛×_< لمحه - غرور - سوسو مع الهيئه >_×؛ 
العرض العادي
