فلسفة عقٌال

على رتم العقول اللي تعالج وضعها بهبال..سرى ليل القلوب اللي تهاوت في مساحاتي
وانا ماعاد لي قلب الى من قال قال وطال..ولا لي غير زفرات القصيد وطيب هقواتي
اتابع فيك مفرود القصيد وافتخر واختال..واحس احيان بحروق الحروف وحر جمراتي
انا لو جيت لك مجنون قولي فلسفة عقٌال..واجبري كسر تنويني معاك برفع ضماتي
ابا اغير مفاهيم النحو والصرف والاهمال..وقانون البلاغه والعروض ابكل كلماتي
ابا اخلق نون للنسوه,وابافتح باب للاحلال..وابدل جمعكم مفرد وابارفع كل كسراتي
ابا انصب مبتداك بكاف ,وامسح منه حرف الدال..واحط اللام في وسطه يبين سر مأساتي
ابا العن خامس الفاعل,واغير صيغة الافعال..واحطه في خبر كان ,واجدد شكل صفحاتي
ابا الغي سيبويه بحرف,واصنع بالنقاط اجيال..وابا اشطب طرح ابو الاسود مع خالص تحياتي
ابيك انتي اجابة من,وعطف الواو,واسم الحال..وابيك الفعل والفاعل,وكل اهداف نظراتي
ابيك انتي قواعد صرف,وحزم الجد واستهبال..وابيك عقول تفكيري,وصوت الكذب بسكاتي
ابا اعقد مؤتمر قمه ,وابافرض حظر للتجوال..وبامنع رجة معمر ,من الغاء اجتماعاتي
ابادعي قلبي وعقلي ,وكل احساس صال وجال..وابجمع كل احزابي,نقرر ماهو اتي:
بما ان الظروف الان ,لا تسمح بأية حال..بأي اجراء روتيني, على سائر دويلاتي
عليه الان فليعلن,طوارئ والحمول اثقال..ومنك انتي يصير اول ظهوري وانتصاراتي
ابي كف, وهدب عين,ونقاوة قلب واستبسال..وابيك القائد الاعلى,لكل جيوش قواتي
ابي وقفه من عيونك تكفي عن مية رجال..ابي فزعه,وابي نزعه واغير كل نزعاتي
وانا اخترتك لان اسمك,يسري بي شجون طال..يشجعني على العليا واحقق كل طموحاتي
لانك رحمة الكافل ,بعين ايتام ,وام عيال..ولانك سطوة القاسي,بعين ادموع وجناتي
ولاني كل ماشفتك,عطيت الحمل والحمال..اهابك هيبة العالم ,لحزني وانفعالاتي
اناظر عينك اليمنى, واشوف الليل والموال..واناظر عينك اليسرى,واشوف ابشع نهاياتي
واضيع هناك مابين الرموش وبين حبة خال..واحب الموت لعيونك,وكنه اجمل محطاتي
انا جيتك ولع عاشق ,يدور فيك راحة بال..ولا فكرت لو لحظه,بجرحك لو بأبياتي
انا الدمعه وهي دمعه,اذا طاحت وهي اذلال..امد لها هدب عيني ,والحفها عباياتي
واخلي رمش يحظنها,ورمش لها يصير اظلال..حرام تموت في عيني ,وهي رمز لمعاناتي
وبعد هذا تجين انتي تسوقين الجروح اشكال؟..وانا اللي كنت احسب انك ,حلاة الروح في ذاتي
اما تخشين ان يهلك ابفعلك شاعر قد ال..بجرحك للهلاك امسى طريح الالتفاتاتي
الا ويح القلوب اللي تهد بصد صم جبال..ولا ويحي اذا برضى,هواني او مذلاتي
تراني ساكت بكيفي ,واذا شفت المعدل مال..ابا اغسل كل مافيني ,من احساسي بزفراتي
وابا احرم على نفسي,لو استسلمت لبس عقال..ولو ما الغيت طاريك,نهائي من سجلاتي
وترى اللي فات ذا كله, مجرد فلسفة عقال ..وانا عاقل واموت ابرك , ولا ترخص قناعاتي


قصبده رائعه للشاعر /جميل اليامي

تراني ساكت بكيفي ,واذا شفت المعدل مال..ابا اغسل كل مافيني ,من احساسي بزفراتي
وابا احرم على نفسي,لو استسلمت لبس عقال..ولو ما الغيت طاريك,نهائي من سجلاتي



راااااائعه

يعطيك الف عااافيه
على النقلــ الرائع

يعني وين مااااااروح احصل المبااااااااحث اول ناس يوصلوووووون

الله يعطيك الف الف عاااااااااافيه هنووووو على مروووووورك
الراااااااائع والمميز دائماااااااااااا

مشكوور اخوي


قصيده رائعه


مشكوور للنقل الرائع

صح لســــــــانك وصح لسان قايلها

مشكووووووووووووووووووووووور


ولاعدمناااااااااااااك

والروعه الحقيقه مروووووورك

الله يعطيك الف الف عاااااااافيه على المروووور الرائع والمميز دائما:shotgun: