قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده



وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا


(حسبي الله ونعم الوكيــــــــــــــل)
الله يكون في عونها آميــــــــــــــــن

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



حسبي الله ونعم الوكيل

الله يردها له ان شاء الله

والله مايستااهل نعمه الام

>>>>تقطع قلبي

مشكووووووور الفاارس

صح لساانك وصح لسان قايلها

والله يعوضها ان شاء الله

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يادااااااافع البلاااااااااااء

الله يهديه ويهدي اللي مثله

لهذي الدرجه ترخص الام في عيوووونهم الله اكبر عليهم


الله يعطيك العاااااافيه الفااااااارس

إنّ الكلمات لتقف عاجزة ، والعبارات تائهة ، بل والأفكار قاصرة حينما نريد أن نقدم شكرنا لك

فما هذا إلا عطاءٌ قليل ومحاولة بسيطة لشكر جهدك وأوقاتك التي بذلتها وقدّمت فيها الكثير والكثير

* * *